الشوق شب من الضلوع اللوعه
شفت الحبيبه..شفتها الدلوعه
وتبسمت لي يا عرب لباها
لبى ابتسامتها وربي روعه
طلبتها بوسه وقالت: لا لا
طلبتها تكفين.. قالت: اوعه
وقلت: يا شين التغلي.. قالت:
تدري يا غالي بوستي ممنوعه
وقلت: ودي بس أطفي شوقي
من سلسبيل الشهد من ينبوعه
لاني بصراحه تهت في فرقانا
والعمر يومه صار مثل اسبوعه
تعبت أواري بالسعاده همي
أبكي ولكن دمعتي مقروعه
والحمد لله ماانحنيت لحزني
حزين لكن هامتي مرفوعه
واليوم حظي بالغلط جابك لي
غريبه من الحظ ماهي طبوعه
قلت استغل الحظ وآخذ بوسه
قبل لا يعلن حظنا برجوعه
وانتي كريمه وانا اظن استاهل
قالت: فداك العمر يالموسوعه
ياشاعر الاحساس يالرومنسي
عاشق وإحساسك فريد(ن) نوعه
لبى قصيدك يالغلا يا روحي
لبى فؤادك جيت كلي طوعه
تامر وتنهى ياحياتي لكن..
مابي رمش عينك يهل دموعه
ماابيك تحزن.. قلت: مااقدر والله
والصدر ناره واريه بضلوعه
قالت: بطفّي هالقبس واوعدني
تصبر.. وقلت: آوامرك مسموعه
ومن بعدها راحت وانا في سكره
من بوسة(ن) بالثغر هي مطبوعه
وقلت: ياربي وش اللي حاصل
ذا حلم والا علم وشّو نوعه
طالعت حولي.. وين أنا يا عالم؟
يدّي على شفاهي وكلي لوعه
أحس بالبوسه وأنا متاكد
لكن غريبه!! وينها الدلوعه؟؟
ناصر الشدوي
موضوع: الدلوعه 