في غيابك سالت حالي وش انتظر
صوتك والا صورتك اللي ما تفارقني
رغم شوقي ما لهيت عنك لو بالنظر
عاهدت قلبي اصونك حتى لو طال حرماني
صرت اعانق طيفك اذا من قدامي يمر
واسال صورتك اذا كانت مثلي تعاني
صبري عليك يبقى على مدى العمر
ومالي غير الصبر على اوجاع زماني
احبك.. اقولها قدام الخلايق جهر
وبين نفسي اقول العشق هو كياني
اردد اسمك وينتهي بي ليلي سهر
واقول ليت صدى صوتي لعندك خذاني
سمني الولهان اللي ابعده عنك القدر
وشوف كيف ربي بالشوق بلاني
ضيعت عمري كله من كذب لغدر
ويوم عرفتك عوضتني عن كل احزاني